flag_en flag_de flag_fr sami.gif

Svieriga Várresiebrre l gájkávkálasj siebrre vuododum 1927. Uddni l rijkkagåbttje organisasjåvnnå 1500 sebrulattjaj. Siebre sebrulattja li vádtse, goarŋŋo ja tjuojgge ja gájkajn li berustibme ja oasálasjvuohta várreväráldij.

 

utsikt_midnattssolen.jpg

 

Várrebiejadumájggomus

"Svieriga várresiebrre åvdet lasedum diedojt várrevärálda birra ja lasedum guddnedimev dan kvalitehtajda ja luonndoárvojda". Dán hábmádime milta siebre njuolgadusájs la várrebiejadumájggomus hábbmidum ulmmen mijá dåjmadibmáj ålgusguovlluj. Ulmme säbrráj la åvdedit ålggoádjemav váren mij árvvulasstá luondov.

 

Suoddjit várreluondov ja miehtsev

Mijá ájnnasamos dahkamusá li åvdedit várreluondo ja nåvtik årro várrebájkij suoddjimav, ja várresihkarvuohta-,  ja russtaássjijt. Dagáduvvá åvdemusát lågåldallamij, kursaj, iehtjama tjállusij ja umasslágásj rabásmielak dåjma baktu. Miján la aj máhttelisvuohta åvddånbuktet mijá vuojnojt remissainstánssan stáhta åtsådimijda várreássjijn.

 

Siebre åvdep åvddåulmusj Dag Hammarskjöld hábmádij vihttalåk jage dás åvddåla:

 

Boanndudahka l aj - ja boanndudahka mij la árvulasj - ájmon adnet ednamdajvav,

gånnå gávnnap 'bihttjo tjuojkaj gärssulimen ájgev mij ulmutja åvvdåla lij'

(tidnigis Till fjälls 1946).

 

Juoga mij dálásjájge dåbddu ájn vil ájnnasap åvdedit.

 

Doajmma

Várresiebren li gålmmå gitta niellja tjåhkanime jahkáj gå sebrulattja gávnadi stuoráp tjåhkanimen. Gåhttjop lågåldallijt gåvvåvuosedibmáj ja lågåldallamij. Sebrulasjtjåhkanime li ienemusát Stockhålman. Sebrulattjan siebren la máhttelisvuohta säbrrat siebre bájkálasj seksjåvnåjs aktaj. Seksjåvnå fálli ietján gå hávsskes säbrástallamav vijdes prográmmav várremanoj dálven ja giesen, manoj ja seksjåvnnågávnadimij lågåldallamijn ja gåvvåvuosedimijn.

Várresiebre seksjåvnå li:

 

Bergslagsseksjåvnnå

Göteborgsseksjåvnnå

Jämtlánndaseksjåvnnå

Kalmarseksjåvnnå

Gironseksjåvnnå

Skåneseksjåvnnå

Stockholmsseksjåvnnå

Östgötaseksjåvnnå

vagvisare.jpg

 

Sebrulasjtidnik ja jahkegirjje

Sebrulasjtidnik fjället ja jahkegirjje Till Fjälls li sebrulasjávkken ållesmákse ja nuorajsebrulattjaj.

 

Fjället l almodum  nieljijn nummarijn jahkáj. Gávnadimsadje l midjij sebrulattjajda. Gávnnuji miellodahtte artihkkala várremanoj, umasslágásj bájkij birra ma li árvulattja guossidit, rustaj, biebmoj ja sihkarvuoda birra. Tidnigin la aj ságastaládum aktijvalattjat ájggeguovddelis ássjij birra ma guosski luonndosuoddjimis gitta ålggoádjemij.

 

Till fjälls l almodum aktan ájdan 1929 rájes. Almodum la fert nubbe jage ja maŋemus 20 jage l álu tjalmostahtedum umasslágásj temáj birra. Moadda oabme jahkegierde gávnnuji vilá oasstet mijá girjjevuorkán.

 

katterstuga3.jpg

Siebrreladnja ja siebrredåhpe

Várresiebre siebrredåhpe l Hjorthagenin Stockhålman, muhtem kvartera metros. Rabás la juohkka basedis dijstakiehkeda. Bässá gávnadit ietjá sebrulattjaj ja girjijt låhkåt ja luojkkat mijá stuorra girjjevuorkás várregirjij fert guovlos. Siebrrelanján máhttá aj ijáv oadet.

 

Várresiebre dåhpe l tjáppa bájken jur Rijkarájá/Riksgränsen oarjjelattjan Gátterjávren. Dåben li lågenanniellja oademsaje ja rabás la sebrulattjajda aktan sijá guossij.

 

Jus li gatjálvisá sebrulasjvuoda birra de ságav dagá

Den här e-postadressen skyddas mot spambots. Du måste tillåta JavaScript för att se den.

Moderklubben
Jämtland
Sektion Syd
Stockholm